FOTO:SCANPIX/Tor Jarild

I kvardagsspråket bruker vi orda lyrikk, dikt og poesi som meir eller mindre synonyme ord. I fagspråket blir lyrikk vanlegvis brukt om sjølve sjangeren, dikt om kvart einskilt dikt og poesi om det spesielle språket som gjer for eksempel eit dikt lyrisk. Adjektiva lyrisk og poetisk blir også brukte om tekster som ikkje er dikt. Da ønskjer vi å framheve at tekstene «låner» verkemiddel frå lyrikken. På om lag same måten bruker vi orda dikte og dikting ikkje berre om dikt, men om fiksjonstekster generelt.

Lyrikk: Av gr. lyra = lyre (strengeinstrument)
Poesi: Av gr. poiesis = frambringing
Dikt: Av lat. dictare = å diktere

Tema 1 Norsk for GK

Teksten er henta frå læreverket Tema , gitt ut på Det Norske Samlaget

TIPS EN VENN OM DENNE ARTIKKELEN