Vi bryr oss om ditt personvern

Dagbladet er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Les mer

Meninger

Mer
Min side Logg ut

Rasisme:

Abid Raja er ikke skurken

Abid Raja har uttrykt seg klønete, men i staden for å skjelle han ut, bør vi ta han på alvor og støtte han i kampen mot hat og fordommar.

Bør støttes: Venstre-topp Abid Raja fortjener vår støtte, mener spaltist Jarl Wåge. Foto: Heiko Junge / NTB scanpix
Bør støttes: Venstre-topp Abid Raja fortjener vår støtte, mener spaltist Jarl Wåge. Foto: Heiko Junge / NTB scanpix Vis mer
Meninger

Storkjefta. Fargerik. Laus kanon. Levande. Engasjert. Kreativ. Ein kan seie så mangt om Abid Raja.

Spaltist

Jarl Wåge

er debattant, skribent og tidligere vinner av forteller-konkurransen «Storyslam». Foto: Sunniva Halvorsen

Siste publiserte innlegg

Andre snakkar ikkje om han, men til han. Raja har delt ein skjermdump på Twitter der han blir kalla kameltryne, pakkis, nigger, og får vite at han snart er ute av Noreg. Han får og stadig høyre at han må ha seg tilbake dit han kom i frå. Det siste litt vanskeleg sidan han er der han kom i frå.

Politikaren og muslimen Abid Raja har starta brann i rosenes leir. Han har våga seg inn på FrP sin banehalvdel i ei idrettsgrein der dei har dominert dei siste åra; å kalle ein spade for ein spade.

Abid Raja kjenner muslimhatet i samfunnet som piskeslag mot kroppen. Eit hat som veks i styrke og til forveksling liknar jødehatet som framleis er intenst og sterkt.

Ein dag var begeret fullt. Det blei tvingande nødvendig å ta ei oppgjerd med hatet som for han er konkret, kaldt og giftig. Diverse utspel frå regjeringspartnar FrP fekk han til å snakke i store bokstavar. Spesielt det at Siv Jensen i innspurten av valkampen henta fram att snikislamisering-narrativet. Dette like etter at ein høgreekstrem terrorist hadde storma inn i ein moskè med eitt mål for auget; å drepe flest muleg muslimar.

Etter at Abid Raja med brask og bram hevda at FrP driv med brun propaganda, har alt som kan krype og gå av FrP-toppar vore rasande, fornærma, såra og vonbrotne. Siv Jensen sa på TV at FrP ikkje vil finne seg i å bli kalla nazistar som eit ledd i Venstre sin interne leiarstrid.

Eg må ta ein Erna Solberg og seie at Abid Raja «ikke burde ha brukt de ordene». Han har ikkje kalt nokon nazistar, slik FrP påstår. Og nazistar er dei sjølvsagt ikkje. Men ordvalet er i ferd med å skugge over Raja sin bodskap og får FrP til å glitre i offerrolla. Dette er trist, for Abid Raja kjempar ein viktig kamp og har min fulle støtte.

Men eg vil omformulere bodskapen hans: «FrP har omtrent så lenge det har eksistert som parti, spelt på framandfrykt og vore med på å piske opp ei antistemning til dei som kjem hit til landet. Spesielt mot muslimar. Dermed er dei med å nøre oppunder hat og grumsete haldningar mot muslimar og andre som ikkje passar inn i det dei meiner er høgverdige norske, kristne verdiar.»

Lista over utspel frå partiet er lang og mørk som eit vondt år. Her er er det bare plass til nokre få av dei. I valkampen i 1987 henta Carl i Hagen fram eit brev frå innvandraren Mohammad Mustafa som han leste opp i ulike samanhengar. I brevet sa Mustafa at muslimar planla å ta over Noreg. Det viste seg at brevet var eit falsum. Men Hagen oppnådde det han ville; auka oppslutnad og å skape hat mot og frykt for muslimar.

Siv Jensen har i fleire valkampar snakka om snikislamisering som noko som skjer i Noreg. Så langt har ho aldri klart å legge fram eit einaste døme på at det skjer, men det har ein skremmeeffekt, så då er det bare å bruke det for det det er verd.

I 2010 skreiv Christian Tybring-Gjedde og Kent Andersen kronikken «Drøm fra Disneyland» der dei hevda at AP var i ferd med å selje landet og skifte ut norsk kultur med multikultur. Mange av ideane i teksten kunne ein finne att i 22/7-terroristen sitt famøse manifest.

Kent Andersen, som i år var på val for FrP til Bystyret i Oslo, skreiv i 2017 i ein kommentar i Document, «Der loven ikke opprettholdes» at det kan bli nødvendig å bygge heimevernet om til paramilitære styrker i kampen mot den muslimske invasjonen av Noreg.

Christian Tybring-Gjedde sin nye draum frå Disneyland er at FrP må gjennom ei totalrenovering. På grunn av dårleg valresultat, trass i det eine dryge innvandrarkortet etter det andre, ønskjer han seg eit nasjonalkonservativt parti som vil setje Noreg, nordmenn og det norske fyrst. Ikkje så ulikt eit parti vi hadde her i landet før og under 2. verdskrigen og som ikkje akkurat hadde suksess.

FrP sin innvandringspolitiske talsperson, Jon Helgheim, sa på TV2-nyhetene at Raja sine utspel har skapt den verste polariseringa i norsk politikk sidan krigen! Han kom nok ikkje i hug alle utspela til Sylvi Listhaug der ho snakka om at flyktningar blir bårne inn i landet på gullstol og skreiv på fb-sida si at AP prioriterer terroristar framfor sikkerheita til nordmenn. Det siste så polariserande at ho heldt på å velte regjeringa.

Når FrP unisont raser mot Abid Raja og fråtsar i utspela for å få sympati, liknar det mest på komisk, høglydt skrål. Eg har nokre gongar vore «undercover» i ekstreme fb-grupper som «Fra folkedypet» og «Fedrelandet viktigst» for å avsløre kva som rører seg i dei mørke gøymene. Det intense muslimhatet det er så flust av der, er både skremmande og sjokkerande. Når ein ser kva enkelte foreslår å gjere med muslimar, framstår dei meir som dyr enn menneskje.

Ein annan trend er at det einaste partiet som får ståkarakter i desse gruppene, er FrP. Og Sylvi Listhaug er sjølvaste heltinna. Vi får mellom anna vite at ho er vårt blonde nordiske håp og ei Jeanne d`Arc som kan stanse flyktningstraumen innover grensene våre.

Gong på gong har FrP blitt oppfordra til å ta ei skikkeleg oppgjerd med hatet og grumset som vaker i kjølvatnet deira. Det har dei aldri gjort, for då må dei sprenge vekk ein del av grunnfjellet.

Abid Raja har uttrykt seg klønete, men i staden for å skjelle han ut, bør vi ta han på alvor og støtte han i kampen mot hat og fordommar. For i dette stykket er det ikkje han som er skurken.

Utforsk andre nettsteder fra Aller Media