Kristenfundamentalistar hatar homofile. Heile året. Ikkje berre i samband med Pride for ei tid tilbake. Dei hatar dei fordi dei er med på paraden. Men mest fordi dei elskar nokon av samme kjønn.

Størst av alt.

Dei hatar dei fordi dei elskar nokon. Eller har sex med dei. Eller begge deler. Det er fint på kvar sin måte.

Kristenfundamentalistane er ekstremt opptatt av sex. Særleg homsesex. Ein skjøner kvar det kjem frå. Dei brukar kjelder og ligningar frå eit eldgammalt manus, som i stor grad er tilbakevist av alle oppegåande menneske: Bibelen. Bibelen er antitesa av alt som opplysningstida har gitt oss av viten og menneskeverd. Eg har vore rundare i kantane tidlegare for å ikkje støte alle med ei gudstru. Dei fleste klarer å oppføre seg. Men når dei bibeltru gjer og seier som dei gjer, så vel eg å være hard tilbake. Bibelen er og blir ei handbok i grusomheiter. Og favoriserer godt voksne heterofile menn. Tilfeldig? Neppe.

Over heile landet haglar det med svovelkuler, anekdoktisk bevisføring . Og bibelvers sjølvsagt. Alltid Bibelen. Vel, i alle fall når det passar dei sjølv. Og det folkens, gjer det til ei takknemleg oppgåve å sette din lokale mørkemann til veggs. Finn dine eigne bibelvers, og så spør du.