Debatt: Høgskolen på Vestlandet

Årelang strid? Vi kjenner oss ikkje igjen

Høgskolen på Vestlandet er opptatt av god involvering og medverknad, sjølv om Dagbladet meiner noko anna.

NY JOBBMÅTE: Aktivitetsbaserte arbeidsplassar er ein ny måte å jobbe på, og bør ikkje forvekslast med opne kontorlandskap. Alle miljøa vil høyre til ein heimebase, og studentane våre vil sjølvsagt ha enkel tilgang til sine forelesarar, skriv rektor Berit Rokne i HVL. Her er hun i samtale med Erna Solberg i oktober i fjor. Foto: Marit Hommedal / NTB scanpix
NY JOBBMÅTE: Aktivitetsbaserte arbeidsplassar er ein ny måte å jobbe på, og bør ikkje forvekslast med opne kontorlandskap. Alle miljøa vil høyre til ein heimebase, og studentane våre vil sjølvsagt ha enkel tilgang til sine forelesarar, skriv rektor Berit Rokne i HVL. Her er hun i samtale med Erna Solberg i oktober i fjor. Foto: Marit Hommedal / NTB scanpixVis mer
Meninger

Dagbladet skriv på leiarplass 23. april at forskarar i aukande grad opplever kontroll frå arbeidsgivar. Artikkelen viser til fusjonar i høgare utdanning, lange vegar til leiinga og at arbeidsplassen blir meir autoritær. Her blir Høgskulen på Vestlandet (HVL) trekt fram som eit døme, i samband med byggeprosjektet som går føre seg i Bergen.

Avisa skriv at det på HVL «har rast en årelang strid om et planlagt åpent landskap uten faste kontorplasser, der det ikke har blitt lagt synderlig vekt på at forskerne har behov både for å være nær bøkene sine og kunne være forutsigbart tilgjengelig for studentene.»

Vi kjenner oss ikkje igjen i denne omtala. Det har vore uro i enkelte fagmiljø knytt til nybygget, og det har styret vårt anerkjent. Vi tar denne uroa på alvor. Men å skildre dette som ei årelang strid blir feil. Vi har hatt open invitasjon til alle fagmiljø i Bergen om å flytte, og i dag er bygget fylt opp. Dette har vore ein frivillig prosess, og vi legg opp til god medverknad i planlegginga framover. Dei som flyttar får gode høve til å bestemme korleis deira arbeidsplass skal vere.

Aktivitetsbaserte arbeidsplassar er ein ny måte å jobbe på, og bør ikkje forvekslast med opne kontorlandskap. Alle miljøa som flyttar inn i nybygget vårt vil høyre til ein heimebase, og studentane våre vil sjølvsagt ha enkel tilgang til sine forelesarar. Faktisk grunngjev fleire som flyttar at dei ønsker å vere i nybygget for å kome tettare på studentane.

Vi har stor tru på at dette blir eit framtidsretta bygg som studentane ønsker seg, og som mange av våre tilsette gler seg til å flytte inn i.

Lik Dagbladet Meninger på Facebook

Meninger rett i innboksen?

Meld deg på vårt nyhetsbrev for å motta ukens viktigste saker fra Dagbladet Meninger hver fredag. Nyhetsbrevet kan inneholde annonser. Du kan når som helst melde deg av.