I din kronikk i Dagbladet 7/9 starter du, Erna Solberg, med å velge ut den viktigste enkeltfaktoren for elevar si læring, nemleg læraren. Allerede her stryk du både i pedagogikk og i å forstå forskningsresultat. Om du ikkje vil gå om att neste skoleår må du følgje godt med no.

Forståinga av verdsleiande forsking må du ha lest i noko du har skrevet sjølv. Skal ein argumentere med John Hattie må ein lese heile setningen, heile boka. Ikkje berre det som ein synes passar sitt eige standpunkt. Det er dette som skil sann innsikt frå meiningar. For om smørbrødlista si (på 138 faktorar som påverkar elevens læringsutbytte) skriv Hattie (eg overset): «Eit av dei store funna gjeld tilbakemelding til elevane. Men, ein skal ikkje berre auke mengden tilbakemelding og tru at alt løyser seg på ein magisk måte. Å finne ei oppskrift, å auke ein faktor, vil ikkje virke i det travle og omskiftelege , mangfaldige og fleirkulturelle klasserom». Med andre ord, det Hattie seier er at der finns inga enkel løysing. Der er ingen enkeltfaktorar.

Her er grunnen: Pedagogikk er eit fag som tek utgangspunkt i det mellommenneskelege. Læraren og eleven er subjekt som opptrer i ein kontekst, klasserommet. Den sanne forståing av Hattie fortel at enkeltfaktorane opptrer samstundes, i noko av det mest komplekse som finnes, det mellommenneskelege. Og difor kan ein ikkje skilje ut ein enkeltfaktor, for dei heng saman, i ein samanheng. Det er i denne samanhengen pedagogikk vert utøvd, som situasjonsbestemt mellommenneskeleg handling. Berre slik kan læraren «sjå eleven» og komme han i møte som det unike enkeltmenneske han er. Det gjer ikkje du, Erna. Du overser denne kompleksiteten. I staden reduserere du den til enkeltfaktorar. Og då ser du eleven som ein ting, eit objekt. Som noko ein kan vege og måle. Bort skal det sosiale, læringa og samspelet, fellesskapet og samhaldet i klassen. For hos deg, Erna, inngår eleven i ein subjekt-objekt relasjon. For eleven skal målast, objektiviserast. Og då fjernar du det mellommenneskelege og samstundes pedagogikken. Det er dette som ligg i botn av di eigenproduserte sanning.