Vi bryr oss om ditt personvern

Dagbladet er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Les mer

Meninger

Mer
Min side Logg ut

«Homoterapi»

Dette er perverse overgrep

Tenk at vaksne menneskje på død og liv skal helbrede homofile frå denne satans kortslutninga som gjer at vi blir glade i menneskje av eige kjønn.

FILE PHOTO: A rainbow flag, commonly known as the gay pride flag or LGBT pride flag, blows in the wind inside Christopher Park outside the Stonewall Inn in New York, U.S., June 27, 2019.  REUTERS/Shannon Stapleton/File Photo
FILE PHOTO: A rainbow flag, commonly known as the gay pride flag or LGBT pride flag, blows in the wind inside Christopher Park outside the Stonewall Inn in New York, U.S., June 27, 2019. REUTERS/Shannon Stapleton/File Photo Vis mer
Meninger

Det er noko perverst, nesten sjukt, ved vaksne menneskje som på død og liv skal helbrede homofile og gjennom «sjelesorg og forbønn» fri oss frå denne satans kortslutninga som gjer at vi blir glade i menneskje av eige kjønn.

Spaltist

Jarl Wåge

er debattant, skribent og tidligere vinner av forteller-konkurransen «Storyslam». Foto: Sunniva Halvorsen

Siste publiserte innlegg

Dei er så manisk opptatt av homoseksualitet og alt dets vesen at ein kan undre seg over kva slags indre demonar som driv dei.

Personleg får eg kuldegysningar ved tanken på å skulle knele framføre ein av dei medan dei legg sine klamme hender på hovudet mitt og ber om at eg må bli «fridd frå det».

Desse «terapeutane» som når dei kjem i fokus i den offentlege debatten, slett ikkje vil kalla seg terapeutar, men sjelesørgjarar, insisterer på at dei bare vil homofile det aller beste.

Dette «aller beste» dei i Guds namn ausar ut av sin usjølviske kjærleik, er mellom anna å fortelje søkjande, unge homofile at kjenslene deira er syndige.

Så syndige at om dei lever dei ut, vil dei ende i evig pine i helvete.

Så syndige at dei må kvitte seg med dei, bli helbreda.

Ganske enkelt bli heterofile. Gjer dei det, kan dei til og med finne seg ein kjærast av motsett kjønn, gifte seg, gå inn i den einaste form for samliv Gud godkjenner og leve lukkelege alle sine dagar.

Med andre ord: Som homofil kan du aldri leve ut kjenslene dine. Aldri opne opp for ein kjærast. Aldri oppleve kjærleik. Aldri vere den du er. For den du er, er ikkje eit heilt og fullverdig menneskje i Guds auge.

PRIDE: Dagbladets reporter reagerer på hvordan folk endrer oppfatning av ham så snart de finner ut at han er sammen med en mann. Video: Emilie Rydning / Ørjan Ryland / Dagbladet Vis mer

Om sårbare unge, homofile får tuta øyra fulle av ein slik brutal skremselspropaganda, av menn, nesten alltid menn, dei har som mentorar og vegleiarar, har dei berre to val.

Anten bryte ut, avlyse helvete, vende ryggen til den homohatande guden og finne sin eigen veg.

Eller resignere og gje seg over til dei klamme terapeuthendene. Som i den offentlege versjonen ikkje er terapeut-, men pyntelege sjelesørgjarghender.

I 1982 blei homofili fjerna som diagnose i Noreg. Vi er altså friske som fiskar! Då er det forunderleg rart at desse homohelbredarane framleis med alle middel prøver å sjukeleggjere oss.

Difor vil eg gje dei eit Gudsord med på vegen. Ikkje eit gudsord frå landet. Det hadde dei høgst sannsynleg prøvd å helbrede. Nei, eit sitat frå Jesu munn:

«Det er ikkje dei friske som treng lekjedom, men dei som er sjuke.» Om dei trur på Jesus, må dei for guds skuld slutte med dei perverse overgrepa mot homofile og i staden hjelpe og styrke dei til å bli trygge på eigen seksualitet.

VANDALER: For andre gang må Zack Gaylord se at vandaler har drevet hærverk på prideflagget hans. Men Zack lover å ikke tie stille. Video: CNN Vis mer

I oppveksten var eg aktiv i ei pinsemenigheit. På den årlege søndagsskulejuletrefesten fekk eg alltid gulldiplom for trufast oppmøte. Kvar einaste veke var eg i tillegg på vaksenmøte. Med velbrukt Bibel full av understrekingar under armen.

Det var på mange måtar trygt å vere ein del av dette. Verdsbildet var enkelt og greit. Gud oppe i himmelen. Satan nede i helvete. Det var sjølvsagt ein farleg balansegang, men eg trudde på å halde meg på den smale sti og be om tilgjeving for syndene mine.

Alltid har eg kjent meg tiltrekt av mitt eige kjønn. Kjensler eg intuitivt visste at eg måtte fortrenge og skjule. Eg var faktisk godt vaksen før eg kom ut av skapet.

I dag er eg sjeleglad for at eg ikkje avslørte legninga mi den gongen. Eg har høyrt «gode kristne» seie om homofile at vi er reptilar og verre enn dyr. At Gud hatar, ikkje oss, sjølvsagt, men det vi er, og at han sender oss til helvete utan å nøle om vi held fram med å vere det vi er.

Hadde mine religiøse forbilde pøst på med slike skremmebilde den gongen eg prøvde å finne ein plattform som var min, hadde dei klart å bryte meg ned til dei grader at eg i mi fortviling hadde søkt «hjelp» til å bli ein annan enn den eg var. Eg hadde høgst sannsynleg blitt eit offer for helbredarar.

I Debatten på NRK denne veka der homoterapi var tema, sa leiaren for Til helhet, ein organisasjon som tilbyr slik terapi, at ungdommar kan vekse av seg homofilien sin.

Eg har høyrt at ein kan vekse av seg eksem og allergiar, men dette var nytt for meg. Det seier seg sjølv at dei som er nedbrotne og fortvila over at dei sårar Gud og kan hamne i helvete, takkar ja til å prøve terapi som kan endre dei. Og det seier seg sjølv at enkelte kan gå til grunne av slik terapi.

I debatten var tre som forsvarte slik terapi, rørande stappfulle av empati for to som delte med oss at dei smerteleg hadde fått kjenne forsøk på homohelbreding på kroppen.

OSLO: Strålende vær og solid oppmøte gjør Pride til en fantastisk fest for mange. Video: Kristoffer Løkås. Reporter: Madeleine Hatlo / Kristoffer Løkås Vis mer

Samtidig var dei opptekne av at vi ikkje kan hindre folk i å meine det dei vil og stå for det dei står for. Det ville vere å gå laus på sjølve religionsfridomen.

Sjølvsagt skal folk meine det dei vil, hevde kva dei vil og stå for det dei står for. Men terapi som øydelegg menneskje, som gjer at folk går i tusen knas og i ytterste konsekvens kanskje tar livet sitt, har ingen ting med religionsfridom å gjere.

Så her er mi oppfordring til sjelesorghelbredingsterapeutar:

Sjå for pokker til å setje dykk på hendene dykkar før de gjer enda meir skade. Dei er ikkje helbredande desse hendene. Bare klamme.

PRIDE: Kjendisene på Universal Music sin sommerfest snakker om Pride. En av dem brenner for det nå, men var mot Pride i starten av 20-årene sine. Reporter: Ruben Pedersen. Video: Mariann Habbestad Vis mer
Utforsk andre nettsteder fra Aller Media