Diskuter Afghanistan

Hei, denne artikkelen er over ett år gammel og kan inneholde utdatert informasjon
Publisert
Sist oppdatert

AFGHANISTAN: Janne Haaland Matlary tyr til desperate knep i Afghanistan-debatten. Ho vil heller setta falske merkelappar på meiningsmotstandarane sine enn å diskutera kva NATO og Noreg gjer med det afghanske samfunnet. Ho om det. Men når skepsisen til krigføringa i Afghanistan aukar her heime, skuldast det at den militære innsatsen ikkje gir dei resultata vi vart fortalt at han skulle gi. Taliban og andre krigsherrar styrkar seg, narkotikaproduksjonen har auka dramatisk, og levekåra har ikkje forbetra seg, sjølv frå eit svært dårleg utgangspunkt. Då hjelper det altså lite å visa til ein enkelt avisartikkel for å gi eit anna bilete av situasjonen, eller å truga kritikarane til å halda kjeft. Matlary bør ta seg ein prat med dei som følgjer utviklinga i Afghanistan på nært hald. Der vil ho ikkje finna lovprisingar av NATO sin strategi, men forslag til kva som bør gjerast annleis.

Fredsinitiativet lyttar til forskarar, hjelpeorganisasjonar og afghanarar med førstehands kjennskap til utviklinga. Vi prøver å påverka norsk politikk vekk frå støtten til den noverande NATO-strategien. Det er ikkje mogleg eller ønskeleg å kombinera offensiv krigføring med humanitær innsats, slik NATO gjer i dag. Det er å hella bensin på bålet til konfliktane som skaper dei elendige levekåra for afghanarane. Det er også å vanskeleggjera hjelpearbeid og skapa mistru til dei vestlege hjelpearbeidarane som forsøker å vera nøytrale. Vesten kan ikkje føra ein krig og samtidig styrka menneskerettane. Å drepa sivile med den eine handa og bygga skular med den andre set skulebygginga i fare. For å gi rom for reelle fredsforhandlingar og ei politisk utvikling der også andre enn ulike krigsherrar har eit ord med i laget, må NATO-styrkane trekkast ut. Kan henda trengst det internasjonale styrkar som overvakar fredsforhandlingar og tryggar hjelpeorganisasjonane sitt arbeid, men dette må i så fall vera ein nøytral, fredsbevarande FN-styrke. Ikkje styrkar som sjølv er part i krigen.

For å fortsette å lese denne artikkelen må du logge inn

Denne artikkelen er over 100 dager gammel. Hvis du vil lese den må du logge inn.

Det koster ingen ting, men hjelper oss med å gi deg en bedre brukeropplevelse.

Gå til innlogging med

Vi bruker aID som innloggings-tjeneste, med din aID-konto kan du enkelt logge inn på alle våre sider som krever dette.

Vi bryr oss om ditt personvern

Dagbladet er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Vil du vite mer om hvordan du kan endre dine innstillinger, gå til personverninnstillinger

Les mer