Fotball-VM utan stjernene?

Det er klubbane som har råderetten over fotballspelarane.

Hei, denne artikkelen er over ett år gammel og kan inneholde utdatert informasjon
Publisert
Sist oppdatert

DET INTERNASJONALE fotballforbundet FIFA er uroa, trass i at den siste årsrekneskapen for organisasjonen synte eit overskot på over 100 millionar euro. Framtida skulle sjå lys ut, spesielt på grunn av tv-rettar og sponsor- og reklameinntekter i samband med fotball-VM. Berre dei seinaste åra har FIFA sine inntekter frå VM auka formidabelt og ein har rekna seg fram til at berre frå VM 2006 i Tyskland til VM 2010 i Sør-Afrika vil inntektene gå opp frå 2,18 milliardar til 3,64 milliardar US-dollar. Som jamføring kan det nemnast at FIFA i 1998 «berre» innkasserte om lag 300 millonar US-dollar i høve VM i Frankrike.Men skal inntektsauken for FIFA halda fram, er ein avhengig av at dei beste spelarane stiller i si beste form på fotball-VM. Ein vil for all del unngå at dei beste er utslitne eller skadde under VM, og difor vil mange av dei viktigaste nasjonale seriane vera ferdige ein månad før Tysklands-VM tar til neste år. Ein vil for all del unngå slitasjeskadar hos dei beste, slik det skjedde med Zinedine Zidane i VM 2002.

DET ER KLUBBANE som har råderetten over fotballspelarane, og her ligg grunnen til uroa i FIFA-leiinga. I september 2000 gjekk dei 14 største klubbane i England, Frankrike, Italia, Nederland, Portugal, Spania og Tyskland saman i det såkalla G14. Sidan har G14 - som den framleis heiter - fått selskap av fire nye lag og vil nok snart også ta opp dagens store kjøpelag, Chelsea. Det FIFA verkeleg er uroa for, er at G14-klubbane skal gjera alvor av kravet om at dei nasjonale fotballforbunda skal betala kompensasjon til klubbane for at desse låner ut spelarane sine til landslaga.Dei seinaste åra er kampprogrammet blitt hardare og hardare, og ikkje berre for dei beste klubbane internasjonalt. Dette fører med seg meir slitasje og fleire skadar for spelarane, noko dei rike klubbane tar høgd for mellom anna ved å skaffa seg større spelarstallar og ved å nytta rotasjonsprinsippet, eit omgrep som var heilt ukjent berre for nokre få år sidan. Roberto Mancini, trenar for italienske Inter, klaga nyleg over at spelarane hans blei kalla inn til alt for lange samlingar i høve landskampane. «Slik kan ikkje fotball vera», sa han. Også her heime kan vi stundom sjå slike interessekonfliktar mellom klubblaga og landslaget. Spesielt gjeld dette for dei som spelar på dei beste klubbane utanlands. Dei spelarane som kjem skada tilbake frå ein landskamp, får svi for det hos arbeidsgivaren, klubblaget.På Fifa-kongressen nyleg i Marrakech, Marokko, kom ein inn på somme av dei problema fotballen i dag står andsynes, og det blei sett ned ein kommisjon som mellom anna skal sjå på dagens eigartilhøve i klubbane, den skal vurdera den rolla som agentar og andre mellommenn har, og den skal innom kjenslevare tema som korrupsjon og ulovlege veddemål. Det som først og fremst vekkjer uro i FIFA, er at dei store klubbane internasjonalt sett i mange tilfelle ikkje respekterer FIFA eller dei nasjonale fotballforbunda sine avgjerder. I staden for å tinga med fotballforbunda tingar mange av dei store kontraktar direkte med medieselskap. Og oppstår det konfliktar, går ein gjerne vegen til det vanlege rettsvesenet og ikkje til fotballens eigne justisorgan.

For å fortsette å lese denne artikkelen må du logge inn

Denne artikkelen er over 100 dager gammel. Hvis du vil lese den må du logge inn.

Det koster ingen ting, men hjelper oss med å gi deg en bedre brukeropplevelse.

Gå til innlogging med

Vi bruker aID som innloggings-tjeneste, med din aID-konto kan du enkelt logge inn på alle våre sider som krever dette.

Vi bryr oss om ditt personvern

dagbladet er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Les mer