HELSESKADELEG: Psykiatrane dokumenterer at dei manglar audmjukskapen og viljen til å gjera psykiatrien til noko anna enn ein psykisk helseskadeleg stad å vera, skriv artikkelforfattarane. Foto: Håkon Mosvold Larsen /  NTB Scanpix
HELSESKADELEG: Psykiatrane dokumenterer at dei manglar audmjukskapen og viljen til å gjera psykiatrien til noko anna enn ein psykisk helseskadeleg stad å vera, skriv artikkelforfattarane. Foto: Håkon Mosvold Larsen /  NTB ScanpixVis mer

Debatt: Mental helse

Hårsåre psykiatrar

Folk har all grunn til å frykta psykiatrien. 

Meninger

I eit uvanleg skamlaust innlegg syner «spesialistane» Melissa Weibell og Jeanette Bjørke-Bertheussen fram ein psykiatri som nektar å innsjå at dei driv med overgrep. Og ikkje berre dét, dei skuldar VG for «demonisering» og helseministeren for at han «bidrar til økt stigma og opprettholder fordommer mot psykiatrien».

Alt dette fordi VG har gjort ein kjempejobb med å avsløra massive overgrep med ulovleg beltelegging og fordi me endeleg har ein helseminister som gjev psykiatrien tydeleg kritikk for dette.

Leiaren i Norsk psykiatrisk forening, Anne Kristine Bergem, har òg skulda helseministeren for «heksejakt» i same sak. Problemet med hårsåre psykiatrar som ikkje har fotfeste i den røynda av overgrep dei omgjev seg med, går altså heilt til topps i psykiatrien.

«Spesialistane» Melissa og Jeanette fortel om personar som ikkje torer å leggjast inn pga. avsløringane av desse tilhøva.

Men folk har all grunn til å frykta psykiatrien, og endå meir etter dei furtete reaksjonane frå Melissa og Jeanette – og frå Norsk psykiatrisk forening: Fordi psykiatrane her dokumenterer at dei manglar audmjukskapen og viljen til å gjera psykiatrien til noko anna enn ein psykisk helseskadeleg stad å vera.

Når dei i tillegg stemplar påpeiking av ulovlege tilhøve som «fordommer mot psykiatrien», og kjem med absurde og sjukleg frekke skuldingar om at kritikarane såleis stigmatiserer folk som slit psykisk, er det openbert for alle at denne bransjen ikkje har tenkt å rydda opp denne gongen heller.

Lik Dagbladet Meninger på Facebook