Vi bryr oss om ditt personvern

Dagbladet er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Les mer

Kultur

Mer
Min side Logg ut

Kjør debatt

AFHGANISTAN: John Olav Egeland gjør seg i beste fall ikkje klokare enn han er, når han i Dagbladet 11. desember tolkar meg dit hen at debatt om krig er ein ubehagelig kostnad. Egeland skjønner godt at når eg på Aftenpostens spørsmål roar ned Generalmajor Jon Berge Lilland med å seie at «dette er prisen vi må betale for å komme fra et demokrati» så er ikkje det for å hindre debatt. Tvert i mot seier eg tydelig i frå til Forsvaret om at debatt vil det være rundt alle internasjonale operasjonar. Derfor må dei være legitime og vettige for å oppnå støtte i folket dei er sendt frå og i folket der dei kjem.

Eg skreiv seinast 24. november i Dagbladet at om ikkje utviklinga i Afghanistan endra seg til det betre i høve til ISAF sine resultat på oppbygging og stabilisering så bør det være grunnlag for å fremme krav om uttrekking av norske soldatar i ei ny Soria Moria-forhandling. SV har fleire gode debattar gåande fram mot neste landsmøte der vi prøver å finne fram til ein politikk som lykkes i Afghanistan. Med meir bistand, fredsforhandlingar og ikkje minst å hegne om det opphavlige ISAF-mandatet. Ikkje åtakskrig. I januar samlar vi i hop eit stort Afghanistanseminar med innleiarar frå alle hold. Eg trur fleire parti treng den debatten. Er dette å hindre debatt? Og kan du ikkje i det minste lese Dagbladet, Egeland.

Når SV er i regjering tar vi samtidig på alvor krava til dei som er i mot krigen. Enten det er pasifistar som er i mot på prinsipielt grunnlag eller andre. Dette er særs viktig når vi har ein opposisjon som ikkje stiller eit kritisk spørsmål i Stortinget. Kan eg ta nokon av disse spørsmåla direkte med ansvarleg Statsråd, Egeland eller krev du at eg stiller spørsmål i spørjetimen? Så du slepp å stille opposisjonen spørsmål om dei vil tilbake til Irak og til åtakskrigen med soldatane våre.

Noreg skal ha eit nasjonalt forsvar med kapasitet til å forsvare folkeretten. Eg vil heller tilbake til FN i praksis. Og kanskje lærer vi noko i Afghanistan om konflikthandtering som kan komme godt med når vi i framtida skal ta på alvor FN sitt arbeid for R2P Responsibility to Protect- Ansvar for å verje. Fridom frå frykt skal det militære skape og det skal og gjelde for flyktningfamilien. Berre vent, det kan hende at dei tusenar av milliardar vi brukar årleg på opprusting og krig ein dag vil komme dei fattige og kanskje miljøet til gode. Og dit kjem vi ikkje utan debatt.

Utforsk andre nettsteder fra Aller Media