RØRENDE TALE: Under kongeparets hagefest i fjor holdt Kong Harald en tale om nordmenn. Video: NTB Scanpix Vis mer Vis mer

Norsk kultur:

Kong Harald er hjernevaska

Dronninga òg.

Meninger

Det kan det i hvert fall sjå ut som. Men hallo. Ikkje ta sånn på veg. Det er ikkje mine ord. Eg tenkjer at kongen på mange vis framstår som klok, raus, varm og inkluderande.

Spaltist

Jarl Wåge

er tidligere lærer ved Norsk Toppidrettsgymnas, skribent og forfatter. Han vant forteller-konkurransen «Storyslam» på Rockefeller i Oslo i november 2016. Foto: Sunniva Halvorsen

Siste publiserte innlegg

Ikkje minst etter den fabelaktige talen på hagefest i Slottsparken der han gav sin definisjon av nordmenn og det norske. Ein tale som blei hylla for sine retoriske kvalitetar.

Men fyrst og framst for innhaldet som var så totalt utan fordomar og framandfrykt. Eit innhald som gjorde at talen skapte begeistring her til lands. Men også internasjonalt. Han gjekk viralt, som det heiter no om dagen.

Kongen har utdjupa synet sitt i intervju med ulike aviser. Blant anna seier han at det er vanskeleg å definere kva som er det norske og at han ikkje føler at det norske er truga av innvandring og multikultur.

Medan Kong Harald fekk ovasjonar for å vere fordomsfri og åpen, er det andre som kallar han haldningslaus svikar og medløpar. Ei av dei er Hege Storhaug, leiar for Human Rights Service og den framste islamkritikaren vi har for tida. Ho kallar mellom anna Islam «den ellevte landeplage» i ei bok med same tittel.

Det er ho som nyleg skreiv at Kong Harald og Dronning Sonja må vere hjernevaska som ikkje vil ta innover seg trugsmålet landet vårt står overfor. Ho tolkar det dit hen at kongen meiner det ikkje eksisterer ein norsk kultur.

Artikkelen fortsetter under annonsen

Dette er, i fylgje Storhaug, haldningar som kan bety slutten på oss som nasjon og folk. Ja, heile den vestlege sivilisasjonen slik vi kjenner han, er i fare om vi ikkje hevar kampfanen mot dei som invaderer oss.

Storhaug kastar, på sedvanleg vis, bensin på hatbålet. Ein følgjar eg har på Twitter, med profilnamnet Khawar @QuintusPila, har lagt ut fleire screenshots (Alle desse fine orda eg kan!) av utsegner frå Storhaug og kommentarar som har tatt heilt av. Kongen blir mellom anna kalla femtekolonnist, rasist (!?), forrædar, tilbakeståande.

Frp-profilen Kent Andersen skriv: «Så kongen med valgspråk «Alt for Norge» mener nå «alt for alle andre land». Eller mener han «Alt for flerkulturen»? Hvem jobber han egentlig for?»

«Kan ikke det norske folk velge seg en ny konge som vil kjempe for fedrelandet, folket og flagget»? skriv Vandre_Falk. Ein påpeikar at tyranniske regentar har blitt kasta før. At i nabolandet sprang folk til og med etter kongen rundt i slottet med kårde.

Hege Storhaug gjekk i haust ut med den absurde oppmodinga til sine disiplar om å snikfotografere muslimar for å dokumentere korleis dei tek over samfunnet. Sidan det ikkje er så lett å vite kven som er muslimar, melde spørsmålet seg om dei skulle få tatovert ein M i panna eller måtte ha ein gul halvmåne festa på brystet.

HRS er ein av organisasjonane som har fått tilskot frå regjeringa for å drive integreringsarbeid. Dette var opprinneleg øyremerkte pengar til organisasjonar som «bidrar til økt tillit og deltagelse i samfunnet blant innvandrere og deres barn». Plutseleg blei det endra til: «Organisasjonar som fokuserer på ulike sider ved integrering.»

Då desse pengane skulle fordelast i år, var det mange som på det sterkaste oppfordra regjeringa til ikkje å gje fleire pengar til HRS. Det ville vere ein hån mot dei som seriøst jobbar med integreringsarbeid sidan HRS utelukkande bidrar til polarisering.

Vi har ein Statsminister som ikkje ville møte Dalai Lama då han var i Noreg. Ho kunne heller ikkje applaudere årets nobelprisvinnar, ICAN, då dei framførte bodskapen sin om å fjerne kjernefysisike våpen. Det ho derimot kan applaudere, er Hege Storhaug og det ho står for. Til dei grader at organisasjonen fekk 1,8 millionar kroner.

1,8 millionar integreringskroner til ein person som under boklansering i Polen, uttalte fylgjande: «Ta godt var på Polen, denne store nasjonen. Ta godt vare på Øst Europa. En dag må vi i Vesten kanskje flykte til dere.» For muslimer som kommer til oss har ingen intensjon om å integrere seg, men å ta over styre og stell?

Eg spør: Korleis kan regjeringa, med støtte frå blant andre Venstre, i det heile tatt klare å lese ut av Storhaug sine mange utspel at hennar mål er integrering? Korleis kan nokon med sin aller beste vilje tru at HRS skaper tillit og motivasjon hos muslimar generelt til å bli integrerte? Korleis kan nokon, om ein legg alt ein har av godvilje til, inbille seg at dette er ei god investering?

Vi har nyleg bivåna det absurde teaterstykket «Nobelkomitèen, det er eg.» Då Carl I Hagen innsåg at han ikkje skulle få nyte sitt otium i noble omgjevnader, foreslo han Frp-sympatisøren, Hege Storhaug, som eit verdig alternativ.

Kanskje kom Hagen med dette forslaget bare for å erte på seg folk. Men på mange måtar er dei to alen av same stykke. Begge har bidratt til innvandrarmotstand generelt og muslimfarakt spesielt. Medan Hagen i midlertid er på veg opp i hornet på veggen der det for det meste blir piping, er Storhaug still going strong med å piske opp antimuslimhaldningar.

Nyleg mista Islamsk Råd statlege tilskot fordi dei ikkje tilfredsstilte krava for å få slike middel. Eg håper verkeleg at den neste organisasjonen som får inndratt øyremerkte middel er HRS. For ingen skal få meg til å tru at dei bidrar til økt tillit blant eller til innvandrarar og deira barn.

Sitatet i avsnittet som starter med «1,8 millionar integreringskroner...» sto som «Ta godt var på Polen, denne store nasjonen. Ta godt vare på Øst Europa. En dag må vi i Vesten kanskje flykte til dere. For muslimer som kommer til oss har ingen intensjon om å integrere seg, men å ta over styre og stell.» i en tidligere utgave av teksten.

Lik Dagbladet Meninger på Facebook