I dei siste vekene har TV-skjermen og avissidene gått i raudt, kvitt og blått. Det er ikkje berre flagg på flaggstenger under sigersseremoniar, men flagg i ansiktet og flaggdekorerte drakter på utøvarane. Det siste har skapt reaksjonar, flagget på kroppen trugar respekten for flagget og idrettsleiarar bør gripe inn og regulere flaggbruken, blir det sagt.

Men kva meiner folk flest om flagg på kler og kropp? Det veit vi faktisk noko om gjennom spørsmål i ein skandinavisk spørjeundersøkelse frå 1998 som vart gjentatt i år 15 år seinare. Eit av spørsmåla dreia seg om synspunkt på flaggbruk og i kva samanhengar ein synest det er upassande å bruke flagget. Meiner ein til dømes at det er upassande å male seg med flagg i ansiktet eller å bruke flagg på T-skjorte eller andre klesplagg? Resultata syner at det er relativt få i dag som finn dette upassande (15 prosent) og at gruppa som reagerer på dette er blitt nesten halvert i løpet av 15 år. Tala viser også at dei som først og fremst reagerer negativt er dei eldste aldersgruppene.