IMAGEBYGGING:  Statråd Thorhild Widvey då ho flørta med Jens Pikenes. Foto: Håvard Lunøe-Nielsen
IMAGEBYGGING: Statråd Thorhild Widvey då ho flørta med Jens Pikenes. Foto: Håvard Lunøe-NielsenVis mer

Med sine eigne ord

Statsråd Widvey styrka sitt lågkulturelle image då ho flørta med Jens Pikenes.

Kommentar

DENNE VEKA har rikspolitikarane kvilt ut etter Arendalsuka. Unntaket er sjølsagt som alltid Fremskrittspartiets autoriserte libero og privatpraktiserande utvisningsminister, Per Sandberg. Han talar der både biljardkulene og gjeddene i sivet teier. «Ingen sak er for liten og ingen er for stor,» og ingen er for stor," seier TV3-kokken til Aftenposten.

Kommunetoppane i KS har overtatt den nationale scene. Lærarane, som skal læra skulebarna av med å mobba, kallar dei ekle kryp, makkar, dustar, quislingar og lobotomerte kjøtthuer. KS-leiaren Gunn Marit Helgesen står som ein stiv stake i stormen. Ho lar seg ikkje snakka til rette av bysbarnet og partifellen frå Porsgrunn, jyplingen Torbjørn Røe Isaksen. At the end of the day veit ho at når ho kjem heim til ektemannen Tor Kåsa, tidligare forhandlingsleiar i KS, blir ho nok møtt med hans legendariske replikk frå eit forhandlingsmøte med sjukepleiarane: «Du er så søt når du er sint».

ARENDALSUKA, der den snakkande politiske klassen møtes til meir eller mindre edruelig sommarstemne, framviste landets tettaste forekomst av Tesla. Ein anonym medarbeidar på Marienlyst, dei er faktisk det av og til det når det passar seg slik, vil ha det til at kringkastingssjef Thor Gjermund Eriksen hadde eit ufråvikelig krav til NRKs dekning: At regiavdelinga måtte sørga for å ha med ei ekstra kabel slik at K-sjefen kunne parkera ved sida av opptaksbussen og få lada opp Teslaen sin. Alle skal med.

Artikkelen fortsetter under annonsen

Etter at han hadde ordna opp med Fysj House, heldt fylkesmann Øystein Djupedal seg i skinnet, som han fyller stadig betre ut. Og så har han lagt seg til ein snerten pornobart for å visa at det er trønder han er. Han minner elles om at det var han, Siv Jensen og Hill-Marta Solberg som sto bak barnehageforliket, mot Bondevik-regjeringa og Høgres vilje. Enigheta blei besegla på eit hotellrom i Polen og derfor kalla Warszawa-pakta.

Der fekk Norges frekkaste politikar, statssekretær Julie Brodtkorb (39), den. Etter Kåre Willochs motto: «Den som tror at fortiden ikke kan endres, har til gode å skrive sine memoarar», har ho kjørt hardt på at full barnehagedekning er Høgres private ære. Ho har elles brukt sommaren til å justera sin sivilstatus frå å vera kjærast med William Nygaard til på ny å bli aleinemor med tre barn. Under ein tur med bikkjene Jippi og Cash sa ho til VG at «noen av oss har godt av å få oss en liten knekk innimellom», men at når ho legg seg, ber ho til Gud om at ting skal bli enklare. Ho er personlig, men ikkje privat.

PÅ FILMFESTIVALEN i Haugesund prøvde kulturnæringsminister Thorhild Widvey å sjarmera det hysteriske filmfolket med at då ho hadde sommarjobb på det maritime hotellet under filmfestivalen, var det hennar oppgave å legga på plass den røde løparen for Liv Ullmann. Ho fekk bare terningkast 2 for det manuset. Etter at støttekontakt Knut Olav Åmås gjekk til Fritt ord, seier Villvei at ho velger sine eigne ord, og «om man ønsker å utfordre meg på ordene, kan man gjerne fortsett med det». Ho har ein lang veg å gå for å retta opp sitt omdømme i åndslivet etter det miserable førsteinntrykket under Kulturrådets årskonferanse i Bergen. Der la ho fram sin kulturelle frihetsrevolusjon og siterte Victor Hugo i det vide og breie, trulig også den håpefulle om at «ingen armé kan motstå styrken av en idé som kommer når tiden er moden for den». Fadesen var at ho konsekvent uttalte namnet Hugo rett fram som {hugo}. Slikt blir aldri tilgitt og evig baktalt av åndseliten med kulturell kapital som veit at franskmannen heiter {ygå}.