Vi bryr oss om ditt personvern

Dagbladet er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Les mer

Meninger

Mer
Min side Logg ut

Klima:

Nok er nok

Naturen tåler ikkje fleire overgrep. Vitlaus utbytting og forureining har forrykka balansen.

I TÅRER: Under et panel i forbindelse med åpningen av FNs Global Climate Action Summit, ente aktivist Greta Thunberg i tårer under en emosjonell appell. Video: Ap Vis mer
Meninger

Orkanen Dorian totalraserte nyleg delar av Bahamas og forvandla ferieparadiset til katastrofeområde. Dødstala er ikkje så høge enda, men 1300 er framleis sakna.

Spaltist

Jarl Wåge

er debattant, skribent og tidligere vinner av forteller-konkurransen «Storyslam». Foto: Sunniva Halvorsen

Siste publiserte innlegg

Tusenvis vil flytte der i frå. Dit folk har valfarta for å oppleve krystallklart hav og late dagar, er det ikkje lenger liv laga. Dei innfødde har blitt klimaflyktningar.

Det uveret ikkje fekk øydelagt, kan oljeforureining ta seg av. Equinor sitt tankanlegg på ei av øyene er råka. Oljetankar fekk taket flerra av i dei enorme vindkasta, og olje renn ut i havet.

Rundt byane Alicante og Valencia og på Mallorca i Spania, har dei opplevd det verste ekstremregnet på over hundre år. I løpet av nokre formiddagstimar kom det nesten 300 mm nedbør sør for Valencia. Enorme vannmassar gjorde brått populære turistmagnetar om til veritable flaumområde.

I Noreg opplever vi stadig hyppigare ekstremver. Korte, intense regnskyljar treff avgrensa område som knyttneveslag. Monsterregn som gjer bekkar til elver og fører til jord- og steinskred som tvingar folk til å evakuere heimane sine.

Det er naturen som seier: «Nok er nok.» Han tåler ikkje fleire overgrep og varslar om at vitlaus utbytting og forureining har forrykka balansen.

Men naturen blir ikkje høyrd. Ikkje i tilstrekkeleg grad i alle fall. Det er andre som ropar høgare. Bompengemotstandarar til dømes. Deira «nok er nok» overdøyver naturen og finn klangbunn heilt oppe på maktas tindar.

Så høgt ropte dei før valet at det blei innkalla til krisemøte i regjeringa. Dei blei forhandlingar som skapte slik støy at det overskugga alle andre problemstillingar og nesten førte til regjeringskrise. Så høgt at dei i enkelte byar blei eitt av dei største partia ved valet.

Heldigvis høyrer andre ropa frå naturen. Til dømes ei sped, svensk tenåringsjente som i vekesvis skulka skulen og demonstrerte for klimatiltak utanfor Riksdagen i Stockholm. Greta Thunberg klarte heilt på eiga hand å starte ei internasjonal rørsle av engasjerte barn og ungdomar ingen lenger kan ignorere. Ho har til og med levert eit kjensleladd innlegg i FN til verdas leiarar.

Det skremmer vatnet av mange. Gud nåde ei som stikk seg fram og stiller seg på klimaet si side. Ho får gjennomgå. At Greta Thunberg er autist, blir brukt mot henne for alt det er verd av folk som meiner vi ikkje kan ta ein autist på alvor.

Dessutan er ho, i fylgje motstandarar, hjernevaska, brukt og misbrukt av mektige venstrekrefter som visst har ein agenda. Ho er ein naiv, vitskremt unge med altfor enkle løysingar.

Nokon hevdar at ho snakkar dårleg engelsk (which is bullshit). Andre at ho er så verbal at ho må ha blitt instruert. Mange, særleg menn med sementerte sinn og ømme tær, nektar å godta at det ganske enkelt kan vere ekte engasjement som driv henne.

Klimafornektarar er skråsikre på at dei har rett. Det har nemleg «alltid vore klimaendringar». Naturlege svingingar som slettes ikkje er menneskeskapte. Dessutan veit dei om minst ein klimaforskar som heilt og haldent går god for deira syn. Difor kan klimahysterikarar gå heim og vogge.

Ved valet 9. september såg vi at den grøne bølgja rullar og veks seg større og sterkare. Ei av dei som har fanga og surfar av garde på ho, er mijløbyråd i Oslo, Lan Marie Berg. Ho og resten av Byrådet har klart å halde lovnadene om å skape ein meir miljøvennleg hovudstad.

Oslo er kåra til Europas Miljøhovudstad 2019, og Oslo-borgarar er så nøgde med jobben dei har gjort, at dei gav dei tillit til å styre i fire nye år.

Men igjen blir dei som er på lag med klima og miljø, hatobjekt. At Lan Marie Berg tør å utfordre bilen sin posisjon, har gjort mange rasande.

Så ille har det vært fra ulike hold til tider at ho ikkje kan ferdast fritt i byen.

Det at ho blei politikaren med flest stemmar av alle i Oslo ved siste val, har ikkje hjelpt på situasjonen. Ho er elitist og egoist med null omtanke for dei fattigaste blant oss. Omgrepet «elite» har forresten blitt «the new black» i diskusjonar rundt bompengar og miljø. Ordet blir så radbrekt og misbrukt at det ser ut som om vi alle tilhøyrer ein elite. I alle fall om vi er ueinige med siste talar; indre by-elite, el-bil-elite, sykkel-elite (og det er ikkje dei som deltek i Tour de France), miløhysterikar-elite, bilhatar-elite.

Vi står ved eit vegskilje. Politikarar som vel å vere på lag med klimafornektarar, risikerer å bli akterutseilt når dei andre legg frå land på den grøne bølgja. Det vi treng, er modige politikarar som tør å ta val som kostar, som gjer vondt, som tvingar fram endring. Vi kan ganske enkelt ikkje ture fram som vi alltid har gjort.

Minste motstands veg er å la Moder Jord segle sin eigen sjø i håp om at ho vil halde seg flytande. Men det kan bere så galt av stad at eg er redd naturen etter kvart vil brøle «Nok er nok» så kraftig og brutalt at Bahamas og Søraust-Spania bare blir for kviskringar i vinden å rekne.

Viser det seg at klimafornektarane har rett i at endringane berre er naturlege svingingar, lover eg å ta baklengs salto i rein og skir glede. Men gud hjelpe oss alle om vi berre set oss ned og ventar, og det viser seg at dei tar feil.

Utforsk andre nettsteder fra Aller Media
Kode24 - nettavis om utvikling og koding Elbil24.no -  nyheter om elbil KK.no - Mote, interiør, og tips Sol.no - De viktigste nyheter fra nettsider i Norge Vi.no - Quiz, kryssord og nyttig informasjon Dinside.no - teknologi, økonomi og tester Se og Hør - Kjendis og underholdning Lommelegen.no - helse, symptomer og behandling