Lagt fra bunnen: Tanja Foss har høyrt folk kalle Facebook-gruppa hennar for "vår tids husmorskule". Foto: Privat 
Lagt fra bunnen: Tanja Foss har høyrt folk kalle Facebook-gruppa hennar for "vår tids husmorskule". Foto: Privat Vis mer

Tanja Foss (42) ville bare ha sitt eget sted på internett. 80 000 fulgte etter

Meninger
MIN FEED: Kvar torsdag skriv Anne Gunn Halvorsen i Dagbladet om livet på internett.
MIN FEED: Kvar torsdag skriv Anne Gunn Halvorsen i Dagbladet om livet på internett. Vis mer

MIN FEED: Hadde denne gruppa vore ein landsby ville eg ha flytta hit. Slike tilbakemeldingar får ofte Tanja Foss, grunnleggar av «Mat fra bunnen», ei av dei gigantiske private gruppene som har vekse fram på Facebook. Ho ville berre ha ein stad på internett som var hennar, ein stad der ho bestemte. Ei side som var positiv og trygg. Resultatet var ei Facebook-gruppe som på tre år har vekse enormt.

For Facebook et verkeleg verda, som var konklusjonen til professor Emily Bell då ho haldt ei foredrag på University of Cambridge i vinter. Det handla om distribusjon av nyhende, men tittelen er talande. Facebook is eating the world. Og takka vere folk som Tanja Foss har Facebook kanskje umedvite jafsa i seg ein annan viktig del av internett.

For kor kan ei kvinne frå Sandnes kjøpe dei billegaste agurkane? Kor lenge skal steika mi stå i omnen, ser den ferdig ut no? Kva kan eg gjere med alle kirsebæra, brunsneglane og naboen som står med kikkert på hagegrensa? Kor får eg tak i vaffeljern som lagar smilefjes? Og kven på internett vil setje tilstrekkeleg pris på å sjå denne avanserte hagemuren eg har laga?

Svaret på alt saman kan du google, men sannsynet er større for at du får eit kvalifisert svar om du finn ei passande gruppe på Facebook. Ein av stadene der 70-80000 menneske samlar seg for å få svar og dele erfaringar. Grupper som «Hageglade på Facebook» og «Mat fra bunnen» har eit aktivitetsnivå kommersielle aktørar berre kan drøyme om. Det er slett ikkje rart. Ofte kjem jo venneflokken til kort. Nokon gonger vil du berre bli sett av folk som faktisk bryr seg.

MIN PIZZA: Grupper som «Hageglade på Facebook» og «Mat fra bunnen» har eit aktivitetsnivå kommersielle aktørar berre kan drøyme om. Kvar torsdag skriv Anne Gunn Halvorsen i Dagbladet om livet på internett. Foto: Scanpix
MIN PIZZA: Grupper som «Hageglade på Facebook» og «Mat fra bunnen» har eit aktivitetsnivå kommersielle aktørar berre kan drøyme om. Kvar torsdag skriv Anne Gunn Halvorsen i Dagbladet om livet på internett. Foto: Scanpix

Vis mer

Men gruppene administrerer seg ikkje sjølve. Tanja Foss anslår at det er ein fulltidsjobb, ho er sjølv uføretrygda og kommunikasjonsrådgiver og seier dette er hennar «vesle bidrag til verda». Ho organiserer staden som eit lite firma. Kvar kveld fordeles morgondagens vakter, veggen skal aldri stå ubevakta, det er faste publiseringar (Den populære «middagstråden» kjem med motivasjonsbilete og oppskrift kvar dag klokka 09, i feriar to timar seinare) og ingen innlegg skal stå uten «like». Tanja Foss trur det er difor folk heller søker seg til Facebook enn til Google, her er trollfri tovegskommunikasjon. Mona Hagelund er ei anna kvinne som legg mykje ulønna arbeid nedi Facebook.

Ho er ein av sju administratorar på «Ebay for jenter/kvinner», ei svær gruppe der kvinner skravlar om gode nettkjøp. Gruppa bør skremme vettet av alle som driv ein fysisk butikk i Noreg, eit opphald her gjer deg overtydd om at Utlandet er staden å shoppe. Iallfall om du ser etter lateksroser og lausvipper. Hagelund får mellom 50-150 førespurnadar i døgnet om medlemsskap i Ebay-gruppa, og ei stund fekk ho dårleg samvit for å forlate huset. Ho burde jo passe på gruppa. No har ho fått sju andre medlemmer med seg til å røkte dei 75000 medlemmene, men framleis bruker ho mellom to og fem timar på gruppa kvar dag.

Ingen av administratorane eg har snakka med tener pengar på dette, men dei har definitivt fått meg til å slå i hjel nokre ekstra timar på Facebook. Journalist Teddy Amenabar konkluderte i Washington Post at ambisjonane til Facebook verka til å «bli sjølve internett». Takka vere eldsjeler som Hagelund og Foss er dei godt på veg, for er det ikkje dette som var heile poenget med internett? Få svar på det du lurer på og vise fram din unike visdom? Gode råd er no tilsynelatande gratis, iallfall så lenge folk som Hagelund og Foss ikkje får lønn.

Lik Dagbladet Meninger på Facebook