Vi bryr oss om ditt personvern

Dagbladet er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Les mer

Kultur

Mer
Min side Logg ut

The Hurdy Gurdy Man -Fløyel, vin og roser

Velskriven sjølvbiografi av ein av dei aller første poppoetane.

Hei, denne artikkelen er over ett år gammel og kan innholde utdatert informasjon

BOK: Popsangeren Donovan var bare seksten år då han stakk heimafrå og la ut på hiketur med kameraten Gypsy Dave. Dei haika til St Ives, sov på stranda og opplevde eit fredeleg fiskarlandsbyliv som kom til å prega mange av dei vakraste tekstane til Donovan:

fine rock-pooling coast

this starfish-on-he-toast

the men in the crabbin\', boat they cry

(...)

fanfaring dafodilly trumpetingly small

all along the bathing hut wall

Donovan vart fødd i Glasgow i 1946, og fekk med seg både sin aksent og element av kulturarva som faren formidla gjennom å lesa høgt frå Yeats og Blake. Donovan fekk polio på grunn av ein vaksine, og vart noko halt. Han kunne ikkje springa så fort som dei andre: «I jist haftae find anither way tae beat the boys.» Og det gjorde han. Outsiderkjensla er ein rød tråd i boka han nå har skrive om sitt eiga liv.

20 album

Familien flytte seinare til England. Donovan var nitten år då den musikalske karrieren skaut fart. I 1965 fekk vera med på TV-programmet «Ready, Steady, Go!» i fleire veker, og dermed var det gjort. Grupper som Animals og The Who mima til platene sine, men Donovan spela live framfor publikum.

Året 1965 gjorde Donovan til ei verdsstjerne. Med «Catch The Wind», «Colours» og «Universal Soldier» var grunnsteinen lagd for ein unik karriere med over 20 originale album. Donovan opna saman med Dylan og Joan Baez, for meiningsfulle og poetiske tekstar i popmusikken. Donovan bygde på mykje av det same som inspirerte Bob Dylan, nemleg Woodie Guthrie, Brecht og amerikansk folkemusikk.

Desse elementa var òg med på å utforma protestsongane. Donovan fekk suksess med Buffy Sainte-Marie sin «Universal Soldier»:

He\'s a Catholic, a Hindu, an atheist, a Jain,

a Buddhist and a Baptist and a Jew

and he knows he shouldn\'t kill

and he knows he always will

kill you for me my friend and me for you

Austlege uttrykk

Han vart ein av dei popmusikarane som først blanda tradisjonelle folkemusikkelement med klassiske og austlege musikkuttrykk, og hadde store hit med fyldige arrangement på «Mellow Yellow» og «Jennifer Juniper». Men det som står sterkast att er dei enkle akustiske arrangementa med gitar og fløyte. Lytt til dei lyriske verka på gjennomførte plater som «Fairytale» og «For Little Ones». Den sistnemnde i boksen «A Gift From A Flower To A Garden» som òg inneheldt den elektrisk-lyriske «Wear Your Love Like Heaven». «For Little Ones» er eit unikt naivistisk og pastoralt materiale som står fram som eit heilskapleg verk.

I den detaljrike sjølvbiografien gjev Donovan sin versjon av ein periode i popmusikken full av langhåra ungdom, jointar og sitarmusikk. Med ein lett og leikande penn blar han gjennom eit minnealbum, og let oss gjenoppleva ei tid då det skjedde gjennomgripande endringar i musikken og haldningane hjå ungdommar.

Uskyldig hjarta

Det er fløyel og roser og vin, marihuana og LSD. Ein vert nærast reint auditivt ført attende til den inderlege framføringa av «Jersey Thursday», til den lyriske gitarspelinga på «The Summer Day Reflection» og til den jazza balladen «Sunny Goodge Street».

Det kan verka naivt og idylliserande, men det er som om me høyrer det frå den eine som kom inn i dette med eit uskyldig hjarta og song om det mjuke og vakre og klarte å halda fast ved sin visjon. Sjølv om han er kritisk til kommersialiseringa, er det meste ein positiv historie. Både når det gjeld paradisisk meskalinrus eller ville vibrasjonar og festar. Me får det fortald av ein som har akseptert det heile slik det var, og som godtek si unge oppleving av det som utvikla seg i Swinging London og Los Angeles. Det er faktisk noko velgjerande over nett det.

Me får høyra om kontakten med Brian Jones, Beatles, Mahareshi og Mickie Most som produserte fleire av dei store hitane hans, om turnear i USA, Japan og Europa. Donovan valde etter kvart å hoppa av turnékarusellen, og ville realisera ein draum om eit fredeleg samfunn saman med musikarar og kunstnarar på øyer han kjøpte i Skottland. Men det mislykkast.

I dag bur han i Irland, og syng dei gamle songane sine saman med barnebarna på ein av dei

siste CD-produksjonane.

Det er elles i tråd med undertonen i boka at vennen Gypsy Dave står ved Donovan si side gjennom heile boka, og at kvinna som vart Donovans kone, Linda Lawrence, faktisk òg er med på nokre av dei første bileta av Donovan som musikar i denne boka. Det var ho som inspirerte den aller første hiten hans:

To take your hand along the sand

Ah but I may as well try and catch the wind