Rett før min eigen skulestart starta, slutta skulegongen til Hector Pieterson med eit skarp skot i Soweto i Sør-Afrika. Kva er det med skuleborn som gjer at styresmakter ser seg nøydd å drepe dei?

Biletet av den 13 år gamle Hector med skotskadar, i armane på ein anna skulegut medan søstera Antoinette spring fortvila ved sidan av, vart første sjølve symbolet på brutaliteten til apartheidstyret i Sør-Afrika. Soweto-opprøret som skuleungane starta 16. juni 1976 var skuleungars protest mot at afrikaans, «språket til undertrykkarane», skulle nyttast som lærespråk på skulane. Meir enn 10.000 skuleungar gjekk i demonstrasjonstog i Soweto. Då starta politiet å skyte ungar, og dei slapp politihundane laus i folkemengda.

Norad legg fram resultatrapporten sin over norsk bistand denne veka. Tema for i år er mellom anna utdanningsbistand. Rapporten kjem i ei tid med framgang: No får 90 prosent av alle born oppleve å sitje ved ein skulepult. Norske bistandspengar har vore med på å støtte framgangen. Noreg er store på utdanningsbistand og er mellom anna verdas største gjevar til FN barnefonds arbeid for at jenter og gutar skal ha lik rett til utdanning.