Få trudde nok at ei regjering med Senterpartiet og Arbeiderpartiet ville satse noko særleg på byane våre. Trygve Slagsvold Vedum har i fleire år gått til krig mot det han kallar «Oslo-eliten», og han har forsøkt å måle eit bilete av folk som bur i hovudstaden som el-syklande og røyndomsfjerne byråkratar.

Eg veit ikkje om Oslo-mannen Jonas Gahr Støre har el-sykkel, men han har i alle fall representert Oslo på Stortinget i 13 år. Statsministeren burde dermed vere godt oppdatert om byane sine utfordringar, som at 291 menneske har mista livet i overdosar sidan 2014.

Likevel gjekk Støre på talarstolen på Arbeidarpartiets landsmøte i fjor og tok livet av rusreforma. Ei reform som særlig ville hjulpe dei mange rusavhengige i byene våre og gjort det enklere å be om hjelp dersom nokon får ein overdose på fest eller på eit kaldt gatehjørne.

Ei anna reform som ser ut til å bli stoppa er domstolsreforma, eine og aleine fordi regjeringa i denne saka vil «lytte mindre på eksperter i Oslo og mer på «vanlige folk», som justisministeren seier. Regjeringa har fått massiv kritikk frå fagmiljø, frå sine egne lokalpolitikarar og frå organisasjonar på feltet.