Arne Brimis studentoppskrifter

Arne Brimi har satt sammen en meny bestående av pannekaker, blåbærgrøt, stekt uer, seibiff med løk, pølsegryte, fiskegrateng, rundstykker og salat. Lykke til på kjøkkenet og god apetitt.

Hei, denne artikkelen er over ett år gammel og kan innholde utdatert informasjon
  • 500 g modne bær
  • 5 dl vatn
  • 200 g sukker
  • 3 ss potetmjøl
  • 1 dl vatn

Kok opp vatnet med halvparten av sukkeret. Ha i blåbæra, la småkoke i 3-4 minutt. Rør ut potetmjølet i 1 dl vatn. Trekk kjelen til side og tilset jamninga. Gje eit raskt oppkok, smak til med resten av sukkeret. Slå grauten i skål, dryss over litt sukker, og avkjøl. Grauten er rg god lun. Server vaniljesaus eller mjølk til.

Pannekaker

  • 250 g kveitemjøl
  • 1 ss sukker
  • 3/4 l mjølk
  • 2-3 egg
  • litt smør til steiking

Ha mjølet i ein bolle og tilset mjølka. Rør til glatt røre utan klumpar. Slå i egga og rør dei godt inn. Egga gjev ein god smak, fin farge og verkar som bindemiddel, slik at til fleire egg vi bruker, til tynnare kan røra vere. La røra svelle i 20-30 minutt. Rør godt opp frå botnen.

Steiking: Ha litt smør i panna og la det smelte og fordele seg utover panna. Ha i panna så mykje røre at det så vidt dekkjer botnen. Drei panna så røra blir jamnt fordelt. Steik pannekaka pent brun på undersida og litt stivna oppå. Bruk middels varme og la ikkje pannekakene bli brende. Snu pannekaka raskt og forsiktig og steik den andre sida. Dei skal vere pent brune på båe sider.

Tips: Bytt ut halvparten av kveitemjølet med byggmjøl.

Pølsegryte

  • 300 g røykte kjøtpølser
  • 2 gule laukar
  • 300 g kålrot i terningar
  • 4 tomatar
  • 1 ss smør
  • 1 ss kveitemjøl
  • 5-6 dl vatn
  • salt og pepar

Reins lauken og skjer han i skiver. Smelt smøret i ein kjele og fres lauken i det. Skjer tomatane i bitar og fres dei med lauken. Dryss på mjølet under røring. Ha i kålrota og vatnet, kok til kålrota er møyr. Skjer pølsene i skiver og la dei trekkje i 5-10 minutt i kjelen. Server.

Artikkelen fortsetter under annonsen

Grove rundstykke

  • 50 g gjær
  • 8 dl vatn
  • 2 dl havregryn
  • 2 dl sammale kveitemjøl
  • 1 1/2 l kveitemjøl
  • 2-3 ts salt

Rør ut gjæren i litt av vatnet som er lunka. Ha i alt vatnet i en bolle. Arbeid inn havregryn, sammale kveitemjøl og salt. Arbeid så inn kveitemjølet til ein fast deig. Dekk deigen med klede eller plast og set til heving i om lag 45 minutt. Bak ut fine rundstykke og set dei på smurt brett. Dekk til og set til heving om lag 1 time. NB! Hevetida kan verke lang, med god næringsrik gjærbakst ma ha lang hevetid for å bli god og gje næring. Sjølv om det i dag er vanleg å bruke ymse kjemikalier i gjærdeig for å få rask heving. Ein slik prosess gjev raskt volum, men deigen blir ikkje moden, og kroppen får ikkje tak i dei viktige næringsstoffa som er i mjølet. Steik rundstykka på 225 grader i 10-15 minutt.

Salat

  • 2 store salathovud
  • 6 solmodne tomatar
  • 1 kg små nypoteter
  • 4 laukar
  • 100 g spekeskinke eller fenalår, skore i strimlar
  • 100 g røykt eller grava laks i strimlar
  • 3-4 dl olje eller eddikdressing

Vask potetene godt, la skalet vere på, del dei i to eller fire. Reins lauken, del han i bitar i fire eller seks, pass på at dei blir reinsa så bitane sit saman i rotenden. Kok poteter og lauk knapt møyre i kjele med lokk, slå av vatnet og avkjøl. 5-10 minutt koketid er nok. Vask salaten godt, riv blada i bitar, ikkje kutt med kniv. Vask tomatane og skjer dei i bitar. Bland alle ingrediensar godt til salat. Slå over dressingen og vend han inn. Her kan det etast lenge og mykje, kanskje med godt brød til.

Steikt uer

  • 1 kg fersk uerfilet
  • 4 ss kveitemjøl
  • 2 ts salt
  • 1 ts malen pepar
  • 1-2 ss smør til steiking
  • 1 finhakka lauk

Vask og tørk uerfiletane. Del dei i passe serveringsstykke. Bland godt saman mjøl, salt og pepar. Vend fiskestykka i mjølblandinga. Ha smøret i steikjepanna, la det bli pent brunt og legg i fiskestykka. Steik dei pent brune på den eine sida, etter ca 2 minutt snur du dei og drysser i den finhakka lauken. Steik vidare i ca 2-3 minutt. Server med kokte poteter og kokte gulrøter.

Blomkålgrateng

  • 600 g kjøtpølser
  • 800 g blomkål i bukettar
  • 3 dl blomkålkraft
  • 3 dl mjølk
  • 3 ss smør
  • 6 ss kveitemjøl
  • 1 ts salt
  • litt muskat
  • 3 egg
  • 200 g riven ost

Kok blomkålbukettane knapt møyre i vatn. Ta vare på 3 dl av kokevatnet. Smelt 3 ss smør og rør inn kveitemjølet. Spe med blomkålkraft og mjølk til ein fin glatt saus, smak til med salt og muskat. Avkjøl sausen til han er lunken. Del egga, rør inn plommene og osten i sausen. Skjer pølsene i skiver og legg dei saman med blomkålbukettane i ei eldfast form. Stivpisk eggekvitene og vend dei inn i sausen. Slå sausen over blomkålen og pølsene. Set i omn på 180 grader i 40 minutt. Server straks.

Fiskegrateng

  • 1 kg filet av hyse, torsk, sei e.l.
  • 3 ss smør, usalta
  • 5 dl vatn
  • 1-2 ss salt
  • 1/2 ts nymale kvit pepar
  • 7-8 ss kveitemjøl
  • kraft frå smørdamping
  • saft av 1 sitron
  • 1/4 ts muskat
  • 4-5 egg
  • 4-5 ss male tørka brød

Skjer filetane i stykke. Ha i smør og vatn, salt og pepar i ein kjele, kok opp. Legg i fiskestykka og la dei trekkje i 4-5 minutt, ta dei opp. Rør inn kveitemjølet i krafta i kjelen til ein fin, glatt saus. Ha i sitronsafta og muskaten. Skil egga og rør plommene inn i sausen. Ha fisken i sausen. Stivpisk kvitane og vend dei inn i massen. Slå massen i smurt form. Dryss over det tørka brødet. Set i omn på 200 grader i ca 1 time. Gratengen skal vera ljosbrun og fint heva når han er ferdig. Stikk eventuelt ein tynn pinne/sneis i for å sjå om han er ferdig. Når ingenting følgjer med på pinnen, er gratengen ferdig. Server straks med rivne gulrøter, gode poteter og smelta smør med persille i.

Seibiff med lauk

  • 600 g seifilet utan skinn og bein
  • 2 ss kveitemjøl
  • salt og kvit pepar
  • 3-4 laukar
  • klara smør til steiking

Skjer fileten i passande stykke. Vend stykka i mjøl krydra med salt og pepar. Reins lauken, skjer han i skiver og fres han blank og mjuk i smør i panne. Ta han ut av panna og hald han varm. Steik seibiffane pent brune i klara smør. Bruk ikkje for sterk varme, og snu ofte. Steikjetid 7-8 minutt. Server biffane med lauk over, eventuelt med med smør og råkost til.

MENY-KOMPONIST: Arne Brimi